دورة التسويق الالكتروني

الأربعاء، 28 سبتمبر 2016

التسويق المجاني عن طريق الفيس بوك

1 – إزاي أوصل لعميلى المستهدف على حساب Facebook

حساب الفيس بوك الخاص بمشروعك او منتجك هى اداة سحرية لجذب العملاء الجدد وتحويلهم لعملاء دائمين وبالتالى تحقيق زيادة فى حجم المبيعات الخاصة بمنتجك , وتقدر تمتلك الوسيلة دى لو بقى ليك حساب خاص بالمنتج بتاعك قائم على عميلك المستهدف ودى بعض الخطوات الاساسية اللى هتساعدك ففى تأسيس حساب مبيعات قوى

1- حدد من هو عميلك المستهدف (موقع جغرافي-عمر-جنس-اهتمامات -,,,,,)

لان تحديد العميل المستهدف من اهم خطوات التسويق لأن بذل مجهود كبير للوصول لكافة العملاء اغلبهم غير مستهدفين هيضيعلك وقتك ويقلل مبيعاتك فالافضل تركيز المجهود للوصول للعملاء المستهدفين المهتمين بمنتجك ......

2-بعد تحديد عميلك المستهدف ( قم بعمل اكونت خاص لاستقطاب هذا العميل )
مثال علي تسويق دورة لغة انجليزية وعميلك المستهدف فيها الشباب من سن 20 الي سن 35 وبالنسبة للجنس بيبقي متساوي الجنسين تقريبا الموقع الجغرافي القاهرة ومهتم بالتعليم واللغات والكورسات ب
يبقي اعمل الاكونت علي حسب الاستهداف دة يعني اكون مثلا رجل سن 25 سنة مقيم في القاهرة اعمل في الجيزة خريج جامعة القاهرة وهكذا
ودة فائدتة ان الفيس هيبداء يرشحلك الناس اللي هما من نفس اهتماماتك وبالتالي هيبقي المرشحين للصداقة عملاء مستهدفين ويفضل ان يكون اسم الاكونت اللي بشتغل بية يكون باسم المجال يعني اسموة دورات انجليزي،تعليم انجليزي:english courses

ودة فائدتة ان الفيس هيبداء يرشحلي الناس اللي هما من نفس اهتماماتي وبالتالي هيبقي المرشحين للصداقة عملاء مستهدفين ودة هيسهل عليك جدا سرعة قبول طلبات الصداقة لعملاءك المستهدفين وايضا ستسفاد منة ان الاكونت هيكون اعلان بذاتة كما ساوضح لكم في المقالات المقبلة ان شاء الله

3- بعد عمل الاكونت ابداء في اضافة الاصدقاء

بعد عمل الاكونت ابداء في اضافة الاصدقاء بس خلي بالك لاتضيف اكثر من 3 اصدقاء في الساعة الواحدة ويفضل الانضيف اصدقاء جدد الافي حالة التاكد من قبول الصداقات المعلقة
وطبعا تبداء تعمل نشر بعض بوستات وصور عن منتجك حتي لايدخل العميل ولايجد شيئا ويفضل الاتكون كل المنشورات اعلانية حاول تعطي لعميلك قيمة مجانية حتي يحب حسابك ويتابعك ويكون شغوف لما تنشرة
بانتظاركم تطبيق اول نقطة واسمع ارائكم وتجاربكم
ملحوظة وانت بتعمل حساب جديد استخدم اسم حقيقي لان الفيس لايسمح باستخدام اسماء غير طبيعية ولكن ممكن تغير الاسم الحقيقي لاي سم تريدة بعد ذلك وفي حالة رفضة يمكن ان تستخدم اسم المجال كاسم مستعار فالفيس يسمح باسماء مستعارة وايضا ممكن ان تكتب اسم المجال في خاصية الاسم باللغة العربية فالفيس بيسمح بظهور اسمك علي حسب لغة متصفحي حسابك
بانتظار تطبيقاتكم دمتم مبدعين

اشـــهـــــر المصطلحـــات الإعلانــــيـــــــة عـــــلـــى الانـــتـــرنــــت 3 ( CPC/ PPC )

CPA/ Cost Per Action – PPA/ Pay Per Action

هي طريقة لحساب تكلفة الإعلانات في الحملات الإعلانية الأونلاين، حيث يتم حساب التكلفة فقط عند إتمام الهدف من الإعلان، مثل شراء منتج ما

اشـــهـــــر المصطلحـــات الإعلانــــيـــــــة عـــــلـــى الانـــتـــرنــــت 2 ( CPC/ PPC )

CPC/Cost Per Click – PPC/ Pay Per Click

هي طريقة لحساب تكلفة الإعلانات في الحملات الإعلانية الأونلاين، حيث يتم حساب التكلفة فقط عند الضغط/ النقر علي الإعلان

اشـــهـــــر المصطلحـــات الإعلانــــيـــــــة عـــــلـــى الانـــتـــرنــــت 1 ( CPI / CPM )

CPI/ Cost Per Impression - CPM/ Cost Per Mille

هي طريقة لحساب تكلفة الإعلانات في الحملات الإعلانية الأونلاين، حيث يتم حساب التكلفة لكل ألف ظهور للإعلان

تعريف SMM بصورة مختصرة

SMM/ Social Media Marketing : تعنى عملية ”التسويق للمواقع عبر شبكات التواصل الإجتماعي المختلفة “ عن طريق مراعاة مجموعة من العوامل أثناء بناء الموقع من حيث المحتوي وطريقة كتابة الكود . مما يجعلها أقرب للظهور في نتائج متقدمة لعمليات البحث .

الثلاثاء، 27 سبتمبر 2016

ازاى توصل لعميلك بسهولة على الانترنت ؟

تعالو نتكلم شوية عن طرق الوصول للعميل على الانترنت :) :)

هتقولى أزاى ؟؟
فى أكتر من طريقة علشان توصل للعميل بس خالى بالك متوقفة على نوع المنتج أو الخدمة اللى بتقدمه يعنى لو عقارات يبقى الافضل استخدامات الاعلانات المدفوعة على جوجل او النشر فى المواقع المجانية ... الخ

تعالى نشوف بعض وسائل الوصول للعميل ونتكلم بالتفاصيل شوية

1- الكلمات التى تبيع
( المسوق الشاطر هو اللى بيستخدم رسائل تسويقية تتفق مع أحوال السوق وبالتالى نسبة مبيعات أكبر )

2- النشرات البريدية
( علشان العميل يحس باهتمامك الدائم بيه فلازم ترسله ( ايميل EMAIL ) بشكل منتظم عن آخر منتجات او خدمات بتقدمها او معايدة بسيطة فى اهم المناسبات مثلا

3- تهيئة شغلك لمحركات البحث SEO
( يعنى تظبط الكلمات المفتاحية KEYWORDS ، علشان تبرز المنتج او الخدمة اللى بتقدمهم وهنا هيساعدك السيو ESO فى ده ) وهنبقى نتكلم عنه بالتفصيل فى الموضوعات الجايه

4- المحتويات الجذابة عن المنتج أو الخدمة
( يعنى تخيل انك بتكلم العميل وشايفة وانت بتكتب عن المنتج او الخدمة الى بتقدمهم )

5- تطبيق السوشيال ميديا المناسبة عن المنتج أو الخدمة
( كل منتج او خدمة ليه طريقة علشان توصل لأكبر عدد من العملاء ، مثلا كورسات انجليزى افضل قناة وصول للناس هى الفيس بوك ـ مثلا هتبيع شقة يبقى الافضل المواقع المنتديات .... )

يعنى ايه الهاشتاج ؟

تعالوا النهاردة نتكلم يعنى ايه الهاشتاج وأزاى نستخدمه صح

الهاشتاج يعنى ( علامة التصنيف ) وشكلها على الكيبورد العلامة ديه ( # ) واتعملت علشان تخلى كل المهتمين بموضوعات معينة يظهروا لبعض
طيب ازاى تعمل الهاشتاج ؟؟
بتكتب علامة (#) ويتلزق فيها الكلمة بدون مسافة مثلا #تسويق
ولو كلمتين فلازم تفصل بينهم بعلامة ( _ ) مثلا #تسويق_الكترونى

وخالى بالك المفروض الهاشتاج يتكون من 3 كلمات فحاول دائما تستخدم كلمات قوية تخلى الناس توصلك بسهولة

يعنى ايه slogan ؟

سلوجان " slogan " جملة بسيطة وقصيرة بنستخدمها كشعار فى الاعلان تكون مرتبطة بالمنتج أو الخدمة ويكون ليها تاثير ايجابى على الناس

ما هو السيو seo؟

ممكن نكون سمعنا الكلمة دى كتير جدا بس مش فاهمين معناها

كلمة سيو إختصار لــ Search Engine Optimization

ومعناها تهيئة موقعك لمحركات البحث , ومحركات البحث زى جوجل وبينج وياهو وفيه غيرهم بس فى العالم العربى تقريبا مش بنستخدم الا ال 3 دول

لشرح أشمل عن تعريف السية وتصنيفاته وأجزائه ومميزاته وعيوبه والمصطلحات المستخدمه فيه تعريف السيو seo

تصنيفات السيو

white hat seo
دة الأساليب والادوات المشروعة الى بتسخدمها وبيسمح بها جوجل وبتأدى لصعود موقعك بطرق قانونية نتائجة بطيئة شوية بس مضمومنه
black hat seo
دة الأساليب والادوات الغير مشروعة بتأدى لصعود موقعك بطرق غير قانونية نتيجة أسرع من الوايت سيو بس مش مضمون وحاليا جوجل بيكشفه بسرعه كبيرة عكس زمان

السيو له جزئين
on page seo
هو التعديلات والتحسينات الداخلية للمنوقع

off page seo
هو التعديلات او العوامل الخاريجة الى بتساعد موقعك على السعود

طيب السيو مهم للمواقع و لا لا

كلنا لينا أهداف محنلقة لإنشاء المواقع الى هدفه الربح أو يعرض منتج او سلعه أو يعمل موقع شخصى يعرض أعماله بس كلنا بنتفق فى جاجة واحد جلب الزوار للموقع , وجلب الزوار بيتم من خلال تطبيق عدة أشياء للتقدم فى الصفحات الأولى فى محركات البحث يعىن بدون السيو مفيش زوار

طيب انا هقدرعمل السيو بنفسي ؟

السيو مش صعب كل ما يتطلبه قراة ومحاولة للتطبيق ودة فى أوقات كتير بيكفي لجعلك موقعك فى الصفحات الأولى لمحركات البحث , بس لو عاوز تحترف السيو فإنت محتاج للكثير من الوقت والإبتكار .

ما هو الباك لينك Backlinks وما فائدته

ما هو الباك لينك Backlinks وما فائدته

بالنسبه للناس اللى بتشتغل seo او نفسها تشتغل seo الكلمة دى هتسمعها كتير جدا فى مجال السيو :)
طيب ايه هو الباك لينك ... هو روابط لموقعك أو لمواضيع موقعك فى مواقع أخرى وده بيكون سبب فى زيادة الزوار لموقعك .

طيب ده كده معناها اما بقى بالنسبه للاهمية فركز فيها عشان تعرف انت هتعمل باك لينك ليه D

للباك لينك backlinks اهميه كبيره جداً فكلما زادت عدد الروابط لموقعك فى المواقع الأخرى زادت قوة موقعك فى محركات البحث وخصوصاً محرك البحث العالمى جوجل .

طيب ايه السبب ؟؟
لان عند تحديث بيانات المواقع تجد محركات البحث روابط لموقعك فى عدد كبير من المواقع ومنها تعطى محركات البحث الثقه لموقعك وتكون فرصتك فى الظهور فى نتائج الصفحات الأولى كبيرة .

بس كده لا قوة الموقع هتزيد بالباك لينك و خصوصا لوضعته فى موقع يتحدث عن نفس موضوع موقعك ده هيزود القوة لموقع و هيزود عدد الزوار و هيكون مستهدفين .

أوهام التسويق الالكتروني

أوهام التسويق الالكتروني
===============
دلوقتي بقينا بنشوف ألاف الناس الناس بتتجه للانترنت عشان تكسب فلوس وللأسف معظمهم بيفشل بشكل كبير جدا وده لأنه للأسف بيصدق الاوهام دي :

1-التسويق الالكتروني سهل
وده أكبر وهم ، لأن التسويق الالكتروني محتاج لجهد ووقت وتعلم ، اجتهد وخد وقتك واتعلم وساعتها بس هيبقي سهل

2-أي شخص ممكن يكسب فلوس من الانترنت
ببساطة كده انت مش هتكسب قرش واحد من غير ما يكون عندك خطه للتنفيذ وتبدأ تشتغل عليها ، اتغلب علي كسلك وابدأ بالقراءه والتعلم وده لأن القاعده بتقول ايه " لا تفعل شيئا لن تربح شئ "

3-هتكون غني بسرعه من علي الانترنت
ده فخ بيقع فيه دايما المبتدئين في التسويق الالكتروني ، اطرد وهم الغني السريع ده لأنه مضيعه للوقت ودور واكتشف ايه اللي الناس عاوزاه فعلا وقدمهولهم

4-انشاء المشاريع علي الانترنت مجاني بالكامل
ده في حد ذاته وهم حلو شويه عشان بيديك علي الأقل حافز انك تجرب طالما كده كده مش هتدفع حاجه وبرغم انه ممكن ينجح في البدايه معاك بس علي فكره نجاحك ده هيتلاشي تماما لو مصرفتش علي مشروعك يعني مثلا علي الاقل هتحتاج تصرف تمن استضافة موقع واتصالك بالانترنت وبعض الاعلانات ، " يستلزم المال لتحصل علي المال "

5-الوقت اتأخر عشان ابدأ مشروعي
وده وهم بييجي طبعا بسبب كثرة المنافسين ، اقولك : متديش فرصه لحد يقولك كده ، عارف ليه ؟؟ الانترنت يسع الجميع .. الجميع !!
" واخيرا ، ان كنت تعتقد بأنك ستنجح ف معاك حق ، وان كنت تعتقد بانك ستفشل ف معاك حق بردو:) .. هتختار ايه ؟؟

5 استراتيجيات لزيادة المبيعات

الهدف من التسويق هو زيادة المبيعات و عشان نقدر تزود المبيعات دى لازم نمشى على استراتيجيات معينه زى ....

1. تقديم منتج مميز :
انك تقدم منتج مميز ده أقوى ألف مرة من عمل حملة تسويق ناجحة.. على هذا المبدأ تم بناء ثروات ضخمة، أكثر من تلك التي تم بناءها على أنقاض حملات تسويقية مبهرة ، لمنتج / خدمة خالية المضمون

2. احتلال القمة
الطريقة الوحيدة لتحفظ مكان منتجك في مرتبة متميزة بين المنافسين، هي أن تجعله فريداً متميزاً، وأن تملأ الفراغ الذي يريده السوق من منتج فريد متميز للبيع

3. الكلمات التي تبيع :
اعرف ازاى تبيع و مين هما العملاء و ايه هى احتياجاتهم و ايه هى الطريقة اللى بيحبو يشترو بيها .

4. اعلن عن موقعك
لو عندك موقع اضمن أنه يحصل على ترتيب فى محركات البحث زى جوجل و يكون متواجد بالكلمات القوية فى مجالك

5. قدم أشياء مجانية ..
قدم محتوى مجانى او خدمة مجانيه عشان تقدر تخلى العميل يثق في شركتك او المنتج اللى هتقدمه .