محل فى حته حلوه و لا صفحه على الفيس

فى حالة انك كنت احد اصحاب المشاريع الصغيره او المتوسطه و عاوز تعرض شغلك فى المكان المناسب و ميزانيتك على قدك
تفتكر ايه الحل الأكثر فاعلية بالنسبه لمشروعك عشان ينجح

محل فى حته حلوه _ ( و لا ) _ صفحه على الفيس
==============================

عشان نقدر نحدد الأجابه لازم نحط شوية اعتبارات قدامنا و نعمل شوية مقارنات بين الاتنين
لو هنتكلم على محل تمليك فى منطقه حيوية يبقى بنتكلم فيما لا يقل عن مليون جنيه ده غير التشطيب ... و لو ايجار يبقى بنتكلم فيما لا يقل عن 3 ل 5 الاف على الأقل ده غير فواتير الكهرباء و المياه و التليفون
صفحة على الفيس = تكلفة الانشاء (صفر)

فى المحل غالبا بتكون الطرق التسويقية المستخدمه عبارة عن طباعة شوية كروت على شوية بروشورات مع بعض اليفط فى بعض الاماكن الظاهرة على الطريق و جنب المحل بتكلف حوالى من 3 ل 5 الاف

لكن المشكله ان الفاعلية من الشغل ده مش بتكون بالقوة المتوقعه و ده لأن الاعلانات و الدعايه بيتم نشرها على عوام الناس فى الشوارع معظمهم اصلا مش مهتم بالخدمه او المنتج اللى بتقدمه
اما بالنسبه لصفحة الفيس بتكون الطرق التسويقية المستخدمه غالبا هى اعلانات الفيس بوك المدفوعه و دى بتكون تكلفتها على قد ما تقدر ... لو عاوز تعمل اعلان ب 100 جنيه ممكن ولو عاوز تعمل اعلان ب 100 الف جنيه برده ممكن

و لكن لو هنتكلم فى رينج معقول تشوف منه نتائج حلوه للميزانية هنلاقيها حوالى من 3 ل 5 الاف جنيه تقريبا بس الميزه هنا انك تقدر توصل لألاف الناس المهتمين بمجال المنتج بتاعك و السن و الجنس و المكان و التوقيت المناسب
و انت قاعد مكانك و تشوف نتيجة اعلانك بشكل سريع و عشان كده بيكون الاعلان اكثر فاعلية من الطرق التسويقية التقليدية
ده بالأضافه الى ان فى استخدامك لصفحة الفيس هيساعدك فى انك تبنى قاعده من المتابعين للعلامه التجارية الخاصه بيك و هتكون على تواصل دائم معاهم و اللى هيتحول منهم جزء لعملاء مع مرور الوقت

عشان كده لو انت صاحب مشروع صغير او متوسط فأنت مش محتاج يكون عندك معرض فى منطقه حيوية ملك بملاين او حتى تأجير بكام الف فى الشهر لو انت وفرت
مثلا ايجار المعرض اللى انت هتدفعه و اعدت توجيهه للأعلانات اونلاين سواء على الفيس او غيره ده هيكون افضل و انسب لمشروعك و اقل فى التكلفه و أكثر فى الفاعلية و المردود
و طبعا لو متاح الطريقتين ( صفحة الفيس + المحل ) ده هيكون اقوى و افضل و لكن احنا هنا بنتكلم على اصحاب المشاريع اللى ميزانيتهم محدودة

لو انت صاحب مشروع أو شركة و محتاج مساعده فى تسويق شركتك او مشروعك اونلاين او حتى محتاج تتعلم ازاى تسوق اونلاين
تواصل معانا و هنكون سعداء بخدمتك

كيفية انشاء خطة تسويق الالكترونى

كيفية انشاء خطة تسويق الالكترونى :
======================

1_تحليل الوضع الحالى :
---------------------------
معرفة الوضع الحالى لموقعك وتحليل السوق المستهدف والقنوات اللى هتشتغل عليها ودا بيتم عن طريق تحديد :
_نقاط القوة
_نقاط الضعف
_التهديدات
_الفرص 

2_التعرف على منافسينك :
----------------------------
لازم نعمل بحث على اهم المواقع المنافسة ليك فى المجال واللى بتستهدف ف نفس الشريحة المستهدفة من العملاء لازم تتعرف على كل ما يخصهم من نقاط القوة ونقاط الضعف
_الطرق والوسائل التى يستهدفون بها العملاء
_القنوات التسويقية المستخدمة على الانترنت 
_الشبكات التواصل الاجتماعى الخاصة بهم وعدد المتابعين ومدى تفاعلهم عليها.
_طريقة مخاطبتهم للعملاء
_اوقات التواصل مع عملائهم
_حجم مواقهم وترتيبها فى محركات البحث والكلمات البحثية المستخدمة لجلب الزوار وذلك بااستخدام بعض الادوات مثل:ALEXA.COM

3_من هى شريحتك المستهدفه :
---------------------------------
يجب دراسه كل ما يخص شرايحتك المستخدمة على الانترنت والتى سوف توجه لها رسائلك التسويقية فيجب عليك معرفة اعمارهم هل هم سيدات ام رجال المنطقة الجغرافية الخاصة بهم واتجاهاتهم الحالية واحتياجاتهم وطريقة تفاعلهم واهم القنوات التى يتوجدون عليها على الانترنت هل هى مواقع التواصل الاجتماعى واى موقع منهم اما منتديات لتحديد طريقة التواصل بهم ومعرفة افضل طرق التواصل بهم والتفاعل معهم هل عن طريق الاعلانات المباشرة والتواصل الاجتماعى ومحركات البحث

4_حدد اهدافك :
------------------
عليك تحديد الاهداف التى تود ان تصل لها ويجب ان تتمتع اهدافك بالاتى :
_اهداف محددة : فيحب ان تحدد عدد واضح من الاهداف التى تريد ان تصل لها مثل : الوصول الى عدد محدد من الزوار من محركات البحث وعدد اخر من مواقع التواصل الاجتماعى ان يكون نسبة التفاعل التى تصل لها بنسبة محدد.. فاانت من تحدد الاهداف الخاصة بيك.
_قابلة للقياس والتطبيق : فيجب وضع مقاييس خاصة بيك تسطيع بها معرفة مدى وصولك ونجاحك فى تحقيق اهدافك 

5_اختيار منصة العمل :
-------------------------
عليك بتحديد القنوات التى سوف تقوم بالعمل عليها لتحقيق الاهداف :
_محركات البحث : تحديد اهم الكلمات التى ستقوم بالعمل على استهدافها فى محركات البحث واهم الاجراءات التى يجب اتباعها فى داخل الموقع و المحتوى التى سوف يتم استخدامه و طريقية استخدام المحتوى وانواعه و كيفية جذب اللينكات الخارجية وكيفية عمل التحليل الخاص بالموقع.

مواقع التواصل الاجتماعى :
اى المواقع التى سوف تتواصل بها مع عملائك هل هى فيس بوك اما تويتر او يوتيوب او لينكدان 

الاعلانات المدفوعة:
اعلانات جوجل او اعلانات الفيس بوك او المحتوى التسويقى 

6_خطة المحتوى :
--------------------
عليك بوضع خطة زمنية بالمحتوى التى سوف تقوم بتقديمه على موقعك وعلى كافة المواقع التواصل الاجتماعى مع الشريحة المتستهدفة وتحديد الوقت الذى سيتم فيه نشر المحتوى فى كافة القنوات وتحديد نوع المحتوى هل هى مقالات او صور او فديو او كتب او انفوجرافيكس
عليك بوضع خطة بالمجتوى التى تحقق بها اهدافك من خلال توصيل رسالة محددة للشريحة المستهدفة وفى نفس الوقت تكون مناسبة لطبيعة شريحتك التى ستخاطبها والتى قومت بدراستها من قبل .

7_ تحديد الميزانية :
-----------------------
المبلغ المطلوب لتنفيذ مثل هذه الحملة ومش بس كده لا ايه اللى هتستخدمه للدفع وده بيتوقف على الهدف التى هتحدده فى الخطوة السابقة وطرق الدفع مثل :
_الدفع مقابل الظهور CPM
_الدفع مقابل النقرة CPC
_الدفع مقابل البيع CPA

8_التحليل :
--------------
قياس مدى تحقيق اهدافك من الخطة مع وضع خطة بديلة فى حالة فشل الخطة الاولى فى تحقيق اهدافها مع الاخذ فى الاعتبار بوجود المرونة الكافية فى الخطة اذا ما حدث امر مفاجىء اثناء تنفيذها مش بس كده لازم تحدد الادوات المتسخدمة لقياس نتائج حملة التسويق الالكترونى.

ازاى تقلل تكلفة الاعلان و توصل لناس اكتر على الفيس بوك

ازاى تقلل تكلة الاعلان و توصل لناس اكتر على الفيس
================================

اولا لازم نعرف ان الاعلان على الفيس بوك و المنصات الاعلانية المختلفه شغاله بنظام المزاد الاعلانى

يعنى لو اكتر من معلن بيتنافسوا على وصول اعلانتهم لنفس الجمهور المستهدف فا من المفترض ان اللى يدفع اكتر هو اللى ليه الأولوية فى ظهور اعلانه

و لكن فيه عامل تانى ممكن المعلن الذكى يلعب عليه و يكون سبب فى ان المنافسه تتقلب لصالحه و يظهر اعلانه هو اكتر و بتكلفة اقل كمان

العامل ده هو ( مقدار تفاعل الجمهور المستهدف مع الاعلان )

لو ان المعلن قدر انه يزود تفاعل الجمهور المستهدف مع اعلانه فى الحاله دى المنصه الاعلانيه للفيس بتفهم ان الاعلان ده كويس و ناجح و عاجب الناس , و فى الحالة دى الفيس بيفضل ظهور الاعلان اللى عاجب الناس اكتر من الاعلان اللى بيدفع اكتر , فبيكسب المنافسه و ينتشر بصورة اكبر و بتكلفة اقل

و دى بعض النصائح لزيادة تفاعل الناس مع الاعلان :

==============================

1 - اختيار الجمهور المستهدف بدقة عالية :
----------------------------------------------
قبل ما تعمل اى اعلان لازم تبقى عارف مين الجمهور المستهدف لنشاطك بالضبط عارف ايه صفاته و عارف ايه احتياجاته و ايه الحاجات اللى بتعجبه
عشان لو الاعلان بتاعك احسن و افضل اعلان فى الدنيا بس مش موجه للفئه المظبوطه مش هيكون عليه تفاعل تقريبا

2 - استخدم صورة جذابه و ابداعيه لأعلانك :
-------------------------------------------------
خلينا نتفق على حاجه مهمه ... الفيس مليان بوستات و اعلانات كتير جدا و المستخدم بيعدى البوستات ورا بعضها لأنه اتعود على انه يشوف الكم الكبير ده من البوستات و الاعلانات و اصبحت عملية جذب انتباهه اكثر صعوبه
عشان كده الاعلان بتاعك لازم يكون فيه صورة جذابة و ابداعيه بحيث انها تلفت انتباه المستخدم اول ما يشوفها و يقف عندها

3 - عنوان ابداعى جذاب و فيه قليل من الغموض :
-------------------------------------------------------
اتفقنا على ان الاعلان لازم له صورة ابداعيه جذابه عشان تلفت انتباه المستخدم و تخليه يقف عند البوست ... و اول ما الصورة تنجح فى لفت انتباه المستخدم
بيجى هنا دور العنوان الجذاب عشان يشد انتباهه اكتر و يخليه يقرأ نص الأعلان .. عشان كده لازم يكون العنوان جذاب و مكتوب بأحترافيه

4 - استخدم CTA محدد :
-----------------------------
ال CTA هى اختصار ل Call To Action يعنى انك تطلب من الناس طلب محدد
زى مثلا يكتبوا رأيهم فى كومنت أو يعملوا منشن لأصحابهم او تابعنا على الصفحه أو انهم يسجلوا فى القائمه البريدية بتاعتك

ﺍﻟﺘﺴﻮﻳﻖ ﺑﺎﻟﻤﺪﻳﺢ Word of Mouth Marketing

ﺍﻟﺘﺴﻮﻳﻖ ﺑﺎﻟﻤﺪﻳﺢ Word of Mouth Marketing :

--------------------------------------------------------

ﺍﻟﺘﺴﻭﻴﻕ ﺒﺎﻟﻜﻠﻤﺔ ﻫﻭ ﺃﻗﻭﻯ ﺃﻨﻭﺍﻉ ﺍﻟﺘﺴﻭﻴﻕ ﻭﺃﻜﺜﺭﻫﺎ ﺇﻗﻨﺎﻋﺎ ﻭﺘﺄﺜﻴﺭﺍ، ﻭﻓﻭﻕ ﻜل ﺫﻟﻙ، ﻻ ﻴﻜﻠﻔـﻙﺃﻱ ﺸﻲﺀ. ﻭﻤﺜﻠﻤﺎ ﺃﻨﺕ ﻭﺍﺜﻕ ﺃﻥ ﺍﻟﺸﻤﺱ ﻻ ﺘﺸﺭﻕ ﻟﻴﻼ، ﻓﺎﻟﺘﺴﻭﻴﻕ ﻻ ﻴﻘﻑ ﻋﻨﺩ ﺤﺩﻭﺩ ﺍﻟﺩﻋﺎﻴـﺔ ﻭﺍﻟﺒﻴﻊ ﻭﺍﻟﺘﺭﻭﻴﺞ، ﺒل ﺇﻥ ﺍﻟﺘﺴﻭﻴﻕ ﻴﺩﻭﺭ ﺤﻭل ﺨﻠﻕ ﺤﺎﻟﺔ ﺫﻫﻨﻴﺔ ﻟﺩﻯ ﺍﻟﻌﻤﻴل ﺍﻟﻤﺤﺘﻤل، ﻭﺍﻨﺘﺸﺎﺭ ﺍﻟﺴﻤﻌﺔ ﺍﻟﻁﻴﺒﺔ ﻟﻠﻤﻨﺘﺞ/ﺍﻟﺨﺩﻤﺔ ﻴﺨﻠﻕ ﻫﺫﻩ ﺍﻟﺤﺎﻟﺔ. ﻤﻴﺯﺓ ﺍﻟﻜﻠﻤﺎﺕ ﺍﻟﻤﺎﺩﺤﺔ ﺃﻨﻬﺎ ﻻ ﺘﻌﺭﻑ ﺤـﺩﻭﺩﺍ ﺘﻘﻑ ﻋﻨﺩﻫﺎ، ﻭﻻ ﺘﻌﺭﻑ ﺯﻤﻨﺎ ﺘﺨﺘﻔﻲ ﺒﻌﺩﻩ، ﻟﻜﻨﻬﺎ ﻜﺫﻟﻙ ﺘﺴﺘﻐﺭﻕ ﻭﻗﺘﺎ ﺤﺘـﻰ ﺘﺒـﺩﺃ ﻓﻌﺎﻟﻴﺎﺘﻬـﺎ ﺘﻅﻬﺭ. ﺃﻅﻬﺭﺕ ﺍﻟﺩﺭﺍﺴﺎﺕ ﺃﻥ ﺍﻟﻌﻤﻴل ﺍﻟﺭﺍﻀﻲ ﺍﻟﻔﺭﺩ ﺴﻴﺨﺒﺭ – ﻓﻲ ﺍﻟﻤﺘﻭﺴﻁ – ﺜﻼﺜﺔ ﺃﻓـﺭﺍﺩ ﻋﻥ ﺍﻟﻤﻨﺘﺞ/ﺍﻟﺨﺩﻤﺔ ﺍﻟﺘﻲ ﻫﻭ ﻋﻨﻬﺎ ﺭﺍﺽ، ﻓﻲ ﺤﻴﻥ ﺃﻨﻪ ﺴﻴﺨﺒﺭ 11 ﻓﺭﺩﺍ ﻋﻥ ﺨﺩﻤﺔ/ﻤﻨﺘﺞ ﻫـﻭﻏﻴﺭ ﺭﺍﺽ ﻋﻨﻬﺎ.

من كتاب التسويق للجميع

ايه هو المحتوى التسويقى ؟؟..

تفتكرو ايه هى اهمية المحتوى فى التسويق ؟؟..

و ايه هو المحتوى التسويقى ؟؟

هو بيجيب نتجيه فعلا ؟؟

- بالنسبه لكل الاسئله هنجاوب عليها فى كام بوست كده تابعنا عشان تعرفهم كويس لانهم مرتبطين ببعض ....

المحتوى التسويقى اهميته زى اهمية البنزين للعربيه  ... هتشترى عربيه ( الاعلان ) و هتبقى ملكك بس لو مفيهاش 

بنزين مش هتمشى اللى بتقوله ده ..... عربية ايه و بنزين ايه 

استنى عليا و افهمنى و ركز فى الكلام ده كويس اوى 

حضرتك لو عملت اعلان ممول هيجيلك ناس ع الصفحه و فيه ناس هتشترى منك منهم و فيه ناس مش هتشترى سؤال بقى الناس اللى مشترتش دى تفتكر ايه اللى خلاها تعمل لايك للصفحه و تتابعك ؟؟اقولك ليه ......

الناس دى مهتمه بالمنتج بتاعك و عايزه تشتريه بس مش شرك النهارده ممكن بكره ممكن بعد شهر وطالما هى كده يبقى لازم تكسبهم كاعملاء او ممكن يجيلك من خلالهم عملاءو ده مش هييجى غير عن طريق المحتوى و خصوصا الخدمى 

المحتوى اللى هيخليه يقارن بينك و بين المنافسين ليك ده الموضوع كبير اوى ... مش قولتلك و خلى بالك بالنسبه للمنافسين العميل و هو بيقارن بينكم اللى بيكسب هو الافضل فى المحتوى يعنى على قد لحافك مد رجليك دى بمناسبة الشتا :يعنى على قد قوة محتواك على قد ما هيجيلك عملاء 

11 نصيحه للتسويق من خلال الفيس بوك

الفيسبوك لا يزال شبكة اجتماعية أقوى على هذا الكوكب مع 1.44 مليارمستخدم فى العالم.
عشان كده الشركات ببساطة لا يمكن تجاهل الفيسبوك كجزء من استراتيجية التسويق على الانترنت.

1- ادى للناس سبب عشان يكونو معجبين ليك (منتجك ) :
-------------------------------------------------------
عن طريق حاجه ملموسه فعلا زى انى اقدمله خدمة او مثلا يقدر يجرب برنامج لمدة شهر مجانا او يكون خصم
من هنا هتقدر تتدى للعميل سبب انه يكون عندك على الصفحه .

2- استمر على المحتوى :
--------------------------
الناس بتحب العلامه التجاريه او المنتج بتاعك و طبعا بيتوقعو مشاركاتك على الفيس بوك انها تكون مرتبطه بالعلامه التجاريه او المنتج بتاعك .
بس احنا دايما بنقول فكر خارج الصندوق بس هنا صندوقهم هما .... ازاى ب 3 طرق:
اكتب عن الحدث الحالى و اربطه بالعلامه التجاريه بتاعتك .
شارك الفيديوهات و الصور المضحكه الخاصه بالمنتج او العلامه التجاريه .
اسال المعجبين (اسئله –قصص)

3- اسئلهم ؟؟ 
---------------
واحدة من أفضل الطرق للحصول على المعجبين بك هو التحدث عن طريق الفيسبوك هو أن نسأل أسئلة مثيرة للاهتمام ومسلية. ولكن ليها طريقتين طريقة صحيحة وطريقة خاطئة
ايه هى الطريقه الصحيحه هما الاسئله اللى بتتكون من اجابه كلمه واحده – او تستدعى الشخص انه يتكلم عن نفسه .

4- استخدم الصور :
--------------------
كل بوست لازم يحتوى على صوره (وتشمل العملاء، منتجك أو خدمتك في العمل، والموظفين والأحداث) وافضل الصوره هى الصور الخاصة بك
5- صاحب الفانز و العملاء .
صاحب الفانز اللى عندك حتى لو كانو عملاء لان ده هيساعدك فى التسويق صاحبهم و احتفل معاهم بالمنسبات العامه .

6- خليك مبدع :
-----------------
فيه اوقات فى الفيس بوك بيكون فيها تفاعل كبير جدا استفاد من الوقت ده و ابدع فى شئ .

7- نشط جمهورك :
-------------------
الفانز اللى عندك هو ده جمهورك على الفيس بوك و انت متقدرش ترضيهم كلهم فحاول تختار المواضيع اللى تقدر تجمعهم فيها و غالبا المواضيع اللى بتكون فى اهتماماتهم .

8- تحليل خطواتك التسويقيه وخصوصا فى الاعلانات :
------------------------------------------------------
حلل كل خطوه بتقوم بيها على الفيس بوك و ده هيعرفك مدى تقدمك و تكون قادرة على فهم كامل المعجبين بك، والمرة القادمة سوف تأتي مع عرض أفضل استهدافا

9- حلل المنافسين و قارن :
----------------------------
مع مرور الوقت عليك أن تكون قادرا على رؤية التقدم المحرز الخاص بك وكذلك التقدم منافسيك وضبط الاستراتيجيات الخاصة بك و قارن بين تقدمك و تقدم المنافسين.

10- اعرف حجم عملائك على الفيس :
-------------------------------------
الشركات اللى بتنجح فى التسويق هى الشركات اللى بتستخدم الفيس بوك و تعرف حجم عملائها على الفيس و الداتا المتاحه

11- راقب عملائك :
---------------------
العلامات التجارية الذكية هى اللى بتراقب جمهورها للحصول على ردود الفعل الفورية والأفكار على تصميم المنتجات الجديدة، وكيفية تسويق أفضل وما هي المواضيع التي تتجه مع جمهورها.

المزيج التسويقى - 4ps Marketing Mix

ال 4ps Marketing Mix

المزيج التسويقي او Marketing Mix وده بيتكون من أربعة مكونات اللى هما ال 4P’s

ال 4ps اختصار لــ :

==============

المنتج Product 

والسعر Price 

والترويج Promotion 

والمكان Place 

وهي العناصر التي تقع تحت السيطرة المباشرة للمسوقين 

:)

تم وضع المبدأ الأساسي للمزيج التسويقي عام 1948م علي يد "جايمس موليتون" و اطلقى عليها اسم المزيج التسويقى هو "نيل بوردن - رئيس نقابة المسوقين الأمريكيين في ذلك الوقت"

فى التسيعنات Lauterborn's قال إن الخلطة لازم تتعدل شويتين وكان عنده مبرر صح جداً الصراحة و هو إن ال 4c's بتوعه دول بيكونوا فى مصلحة اللعملاء 

و قرر يسميهم ال 4C's و قرر يبدل كل C ب P عشان تبقى كده

Product-customer or consumer / place:convenience / price:cost / promotion:communication

طيب استنى بقى ايه الفرق بين الاتنين كده :O
بص يا سيدى الاولى اللى هى ال 4p دى بتبص من وجهة نظر الشركه
اما ال 4c بتبص من وجهة نظر العميل 

^_^

الproduct ده كان الMarketer بيشوف الproduct على إنه فكرة مفروض ال customer يحس إنها بتحل مشكلته و بتكون من الاهتمامات بتاعته و يحبها على الأقل قبل ما ياخد قرار إنه يشتريها؛ بس دلوقتى بقى بيشوف ال product ده على إنه حل لمشاكل العملاء

الpromotion دلوقتى الشركة وال Marketers لازم يوفروا المعلومات الكافية عن المنتج بتاعهم ده و يحاولوا يتكلموا مع الcustomers عشان يخلقوا طريقة تواصل بين الشركة و العملاء . دلوقتى أى شركة لما بتنزل منتج جديد بتفضل تكلمك عليه و تقولك أهميته و أستخداماته و أى معلومة ممكن تيجى على بالك.

الprice ده عشان يحددوا السعر بتاع الproduct و بس دلوقتى بيخلوا بالهم من القيمة بتاعت المنتج و لازم ال price بيكون على قد القيمة اللى بياخدها الcustomer بالظبط . أو بتدور على سعر مناسب للقيمة بتاعت الحل اللى بتقدمه .

الplace كانت كل الشركات بتقعد تنزل المنتجات بتاعتها فى أماكن كتير عشان الناس تلاقيها فى كل حتة بس دلوقتى الموضوع أختلف و بقى بندور إزاى العميل ده يلاقى الحل ده من أى مكان هو عايزه.

لو استفادت قولنا مدى الاستفادة من التدوينه و لو محتاج نتكلم فى حاجه معينه قولنا عليها

ازاى تسوق على الفيس بوك مجانا - طريقك لعمل صفحة فيس فعالة

ازاي تسوق علي الفيس بوك مجانا ؟

طريقة عمل صفحة فيس بوك فعالة
 
تعتبر صفحة الفيس بوك للشركة او النشاط هو التطور الطبيعي للاكونت فالصفحة تشبة كثير اكونت الفيس بوك وهي الاقرب للاكونت من الجروب وتتميز الصفحة بان لايوجد حدود لمعجبيها بعكس الاكونت الحد الاقصي للاصدقاء فية 5000 صديق

وتتميز الصفحة ايضا بامكانية عمل احصائيات متكاملة عن كل المعجبين بها مما يساعد في تحديد جمهور مستهدف عند النشر او الاعلان حيث ان الصفحة تتميز ايضا عن الجروب والاكونت بانها متاح ان نعلن عنها باسلوب الاعلانات الممولة 

عند عمل صفحة عمل جديدة يفضل ان يكون فية صفحة خاصة باسم المنتج الابرز في الشركة المراد ترويجة يعني لو فرضنا اننا شغالين لشركة عقارات فبجانب الصفحة الرسمية للشركة يفضل ان يكون فية صفحة باسم الكلمات المفتاحية المراد تصدر محرك البحث بها وبحث الفيس بوك فصفحات الفيس تتميز بانها تكون في مقدمة محركات البحث ففي مثالنا هذا تكون الصفحة مثلا باسم شقق الشروق بالتقسيط مثلا فانت مع نشاطك في الصفحة ستفاجىءانك هاتطلع في محرك البحث جوجل بهذة الكلمات مما يكون فية مصدر للعملاء وللزوار الصفحة ايضا
ابرز النصائح عند عمل صفحة جديدة

1- ختيار دقيق للاسم لان هذاالاسم يساعدكثيرافي ظهورالصفحةفي البحث

2- صورة بروفايل مناسبة للصفحة ومقاسها400*400وهي تكون لوجو الشركة او صورة معبرة عن الصفحة اوصورة عن المنتج الابرز بالصفحة

3- غلاف مميز للصفحة مقاسة 300*800 ويفضل ان يكون غلاف خاص بالصفحة مصمم بشكل احترافي حتي يبرز احترافية الصفحة 

4- عمل سياسية تحريرية للصفحة اعتبر صفحتك كمجلة يكون فيها تنوع في المنشورات المطروحة ولاتجعل كل المنشورات اعلانية فلابد ان تقدم قيمة اوخدمة مجانية للمتابعينك وعملاءك

هام جدااااا ان يكون المحتوي الثقيفي والخدمي اكبر من المحتوي الاعلاني فالناس تنفر من الاعلان فاجعل المنشورات محببة للمتابعين وتقدم لهم فائدة وخدمة بغض النظر عن شراء المنتج ودة يسمي ب inbound marketing

5- الاهتمام بتصميمات البوستات واختيار صورة مناسبة لكل بوست ويفضل استخدام مقاس الصور الموصي بة في اعلانات الفيس 1200*900 وكما قلنا من قبل استخدم دوما الصور الواقعية في المنشورات الاعلانية فهي اكثر مصداقية وتقدم صورة للعميل عن الخدمة التي سيحصل عليها ويفضل عمل اطار في التصميم بية بيانات الاتصال مع اسم الصفحة والرابط الخاص بها

6- اختيارurlخاص بالصفحة فهو مفيد عند البحث عنها ويسهل كتابتة ويمكن وضعوة علي المواد الدعائية الخاصة بالمنتج مثل facebook.com/emarketingcourse1

7- الان عند عمل صفحة اصبح يوجد ميزة بتحديد جمهورها ودة من المميزات التي تجعل صفحتك تصل للجمهورك المستهدف بشكل افضل واسرع

8- استخدم ميزة CTA الجديدة التي تتيح للزائر ان يصل لبيانات اتصالك سريعا 

ضع نصب عينيك دائما التفاعل وليس عدد اللايك فيوجد صفحات عليها لايك بالملايين وتفاعلها صفر خصوصا بعد تعديلات الفيس الاخيرة التي اصبح البوست فيها لايصل لاكثر من 5% للمجموع معجبي الصفحة فعملك علي الصفحة بمنشورات ابداعية سيزيد من التفاعل علي الصفحة 


ويوجد اكثر من طريقة لزيادة التفاعل علي الصفحة :
==============================
1- عمل مسابقات دورية بالصفحة ويكون الفائز بالمسابقة هو صاحب الاجابة الصحيحة الذي جمع اكبر عدد من اللايك علي اجابتة

2- تقديم محتوي يستلزم ردالمتلقي مثل سؤال اوطلب اقتراح اوسرد موقف الخ

3- عمل منشورات دورية للتثقيف العميل بالمادة المقدمة مثل شركة عقارات تنزل منشورات دورية عن عقود التمليك طريقة التسجيل بالشهر العقاري وغيرها من الموضوعات المهمة للزائر

4- رفع كتب الكترونية خاصة بمجال الصفحة كهدية للزوار فالزوار يعشقون تحميل الكتب حتي ولولم يقرؤها ولكنة حب الاقتناء ياسيدي

5- الفيديوهات هامة جدا في صفحة الفيس ودائما اجعل الفيديوهات محملة علي الصفحة وليس علي اليوتيوب حتي ان نال الفيديو الاعجاب ويقرر الزائر عمل شير للفيديو يكون الشير للصفحتك وليس رابط اليوتيوب خصوصا ان كان اليوتيوب غير مرفوع علي قناتك

6- اهتم باحصائيات صفحتك واعرف دوما ماهو الوقت الانسب للنشر فيها واكثر الاوقات تفاعلا مع جمهورك 

7- عندما تنشر بوست خاصة بفئة معينة او بجمهور معين للصفحة استخدم ميزة الاستهداف اسفل البوست واختار جمهورك المحدد فدة بيعمل تفاعل اكبر مع البوست برغم ان الاستهداف بيكون جزء من المعجبين وليس الكل ولكن قلنا من قبل العبرة بالتفاعل وليس الاستهداف 

8- استخدم ميزة جدولة المنشورات (رمز الساعة) الموجودة اسفل مربع التحرير حتي لاتتقيد بالنشر بالوقت الموجود علية فقط علي الانترنت
لاتغفل كما قلنا انك صاحب سياسة تحريرية مش مجرد معلن فكر دوما في الجديد والابداعي والمفيد لتقدمة للزوارك لتزيد التفاعل ومن ثم يزيد النشاط

ازاى تسوق على الفيس بوك مجانا - الجروب كنز لا يفنى

ازاي تسوق علي الفيس بوك مجانا ؟

الجروب كنز لايفني 

اعتبر الجروب علي الفيس بوك من اهم الادوات التسويقية المجانية وذهلت عندما كنت ادير فريق من المسوقين وعندما ناقشتهم عن مصدر العملاء الابرز لهم اخبروني انة النشر علي الجروبات !!!!

استخدام الجروب في الفيس بوك لية طريقين اساسين هو اما ان تكون انت مالك الجروب او تكون ناشر في احد الجروبات الخاصة بمجالك
الجروب طبيعتة غير صفحة الفيس لان الجروب معتمد علي تكامل اعضائة لذلك فاول مانصحك بة انة عندما تبني جروب لاتجعلوة جروب اعلاني
حاول بقدر المستطاع انة يكون جروب خدمي تخدم فية العملاء المهتمين بمنتجك يعني علي نفس مثال المقالات السابقة لو عايز اسوق كورسات انجليزي فيفضل عمل جروب مثلا اسموة الانجليزية للجميع وابداء انزل فية كل مواد الانجليزية من كتب وفيديو وبرامج اعطي قيمة عالية للعملاء المستهدفين وبشكل مجاني تماما ولاتستعجل الاستفادة المادية

فتملك الجروب هو احد اقوي ادوات التسويق عن طريق الخدمات المجانية
فستجد من يسال اكسب منين وانا باقدم كافة الخدمات في الجروب مجانية
هاجيب على حضرتك حضرتك .. ان اصبح عندك جروب يقدم خدمة مجانية بة اعضاء مستهدفين اصبح لكل جمهور متابع لك متشوق لمشاركاتك اظن كمسوق هاتعرف تعمل الواجب وزيادة

والطريقة الاخري للاستفادة من جروبات الفيس بوك هو النشر

والنشر علي جروبات الفيس بوك نوعين :

========================
1- النشر الاعلاني وهو دة العادي اللي بنعملوة بالفطرة انك تنشر البوست الاعلاني الخاص بك في كل الجروبات المهتمة بالنشاط بلاش النشر في كل شيء واي شيء خليك شيك في النشر واستهدف المجموعات المفتوحة حتي لاتتعرض من ايقاف النشر لديك وفية طريقة سهلة جدا موجودة ممكن تعمل بحث بالكلمة المفتاحية لها علاقة بنشاطك عراقة مباشرة او غير مباشرة يعني في مثالنا علي كورس الانجليزي هادور علي كلمة تعليم انجليزي او كورسات انجليزي ودة بحث علاقة مباشرة فية بحث بعلاقة غير مباشرة اننا ابحث عن كلموظائف مثلا وكمان ابحث عن جروبات المناطق زي المعادي الهرم مدينة نصر بتبقي جروبات كبيرة وبتقبل نشر الاعلانات ولما استخدم البحث ماخدش النتائج اللي بتظهر عند كتابة الكلمة الافضل ادوس علي شكل العدسة واختار مجموعات وتاتي بكل المجموعات المفتوحة في مجالك وتقدر تنضم ليها وزي ماتعودنا بدون افراط يعني يكفي الانضمام ل5 جروبات في الساعة وتقدر تضيف نفسك في 50 جروب يوميا تقريبا والنشر ايضا يكون علي فترات كتباعدة علشان الاكونت مايتحظرش

دة فيديو بيوضح طريقة الاضافة والنشر بالتفصيل
youtube.com/watch?v=p8KARojdQR0

2- النشر كخبير ودية من الطرق الرائعة اللي نصحت بها في المقال السابق الخاص بالاصدقاء ووعدت اني اقولها بتفصيل اكتر في المقال دة
الطريقة باختصار ارجع كدة معايا المقالة الاولي وطريقة عمل اكونت خاص للشغل قلنا يفضل ان الاكونت يكون باسم نشاط المنتج زي مثلا الاكونت الخاص بدورة الانجليزي يبقي اسموة كورسات انجليزي وعرفنا ازاي نقدر نستفاد من الاكونت دة في جذب عملاء مستهدفين (راجع المقالة السابقة)نفس الاكونت دة هابداء ادخل بية الجروبات اللي بتهتم بمجال شغلي وابداء احط مقالات او داتا كتب فيديو نشرات اي شيء فية فائدة لاعضاء الجروبات المختلفة واهتم جدا بالرد علي تساؤلاتهم ومشاكلهم من هنا ستجد اضافات كثيرة للناس تحب الاستفادة مماتقدمة وستجد ايضا اضافة من عملاء يرغبون في الاستفادة من خدمات اعمالك لانهم بيكونوا شافوا جودة خدماتك المجانية فالعميل الشاطر يحب لما هيشتري اي خدمة اومنتج يسال عليها صاحب من قدم لة خدمة مجانية لانة جربوة ووثق فية وهو دة فكر الانباوند ماركتينج اللي الاساتذة استفاضوا فية كثيرا

الخلاصة لاتستهين بتقديم خدمات مجانية للمتابيعك فهي من تاتي لك بالعملاء وبيكون عميل علي ثقة بما تقدمة فمقالتي اليوم برغم انها مجانية ولكن علي المستوي المهني ساستفيد منها الكثير واحب انهي بمقولة احد الدارسين عندما سالتوة لماذا اتيت الي كورس تسويق معي فقال لي قراءت لك طرق مجانية واستفدت منها كثيرا فتخيلت مدي الفائدة التي ممكن ان احصل عليها في حالة حضرت الكورس المدفوع
صدقت امي ربنا يرحمها اللي يقدم السبت يلاقي باقي الاسبوع قدامة

ازاى تسوق على الفيس بوك مجانا - الأصدقاء هم رأس مالك

ازاي تسوق علي الفيس بوك مجانا ؟

راسمالك هم الاصدقاء

تكلمنا عن في المقالتين السابقتين عن كيفية عمل حساب للفيس بوك يساعدك علي تسويق منتج معين وكيف يمكن ان تستخدم هذا الحساب في التسويق للمنتجك بفاعلية وكيف ان اصدقائك علي الفيس بوك هم راسمالك كمسوق فكل ماكان عندك اصدقاء مستهدفين لنشاطك اومجالك اكتر كل مازادت فعالية التسويق علي الفيس بوك 

وتكملة للموضوعنا عن الاصدقاء يوجد طرق مبتكرة لجلب المزيد من الاصدقاء المستهدفين حتي يكون التسويق لهم بفعالية اكبر من الاصدقاء العشوائيين

1- طريقة اضافة اصدقاء المرشحين من الفيس بشكل عادي جدا وسيكونوا مستهدفين لان زي ماقلنا في المقالة الاولي انت بتراعي العميل المستهدف عن عمل اكونت خاص بالمنتج بس خللي بالك لاتضيف بشكل متكرر حتي لايحظرك الفيس من الاضافة يعني الساعة الواحدة يكفي 4 اصدقاء وياريت كل فترة تتاكد من قبول طلبك

2- دخول صفحات المنافسين واضافة العملاء المعلقين في صفحة المنافس ولكن نضيف من لايخدمهم المنافس فقط لان اخلاقيا لايجوز ان نضيف عملاء من المنافس علي سبيل المثال انا باسوق كورس لغة انجليزية في الزقازيق ادخل الصفحات التي تقدم كورسات انجليزي واضيف العملاء الذين يسالون عن المنتج في طنطا ويكون المنافس لايقدم المنتج في الموقع الجغرافي اللي بيطلبة العميل يعني مثلا عميل بيسال عن الكورس في طنطا وانا عندي فرع في طنطا فممكن اضيف العميل وابعتلوا رسالة بالمنتج الخاص بي وهنا تكون استجابتة رائعة لانة عميل مستهدف ويحتاج المنتج وسيقبل طلبك بالاغلب لان اسم الاكونت الخاص بك هو اسم المنتج الذي يبحث عنة كورسات انجليزي طنطا وممكن الدخول علي البوستات القديمة الغير اعلانية اللي مابيستفدش منها المنافس في الوقت الحالي في حالة اني ماعنديش ميزانية حالية لعمل اعلانات 

3- دخول الصفحات التي لها علاقة بمنتجي ولكن ليست منافس لي يعني في مثالي السابق بدلا من الدخول لصفحات كورسات الانجليزي المنافسة يمكنني الدخول لصفحات دورات التنمية البشرية وابداء اعلق علي البوستات الموجودة بتعليقات غير اعلانية (لاتكون مزعج) طيب هايعرف انا بقدم الخدمة ازاي؟؟؟؟

دية هاسيبها لتفكيركم واللي متابع المقالة الاولي اكيد هايعرفها


4- دخول صفحات المنافسين او الصفحات ذات علاقة او الصفحات ذات الموضوعات العامة واعمل لايك للاعضاء المتفاعلين مع البوستات المقدمة من الصفحة دة هايعمل حاجة مهمة وهي ان اسم الاكونت هايروح في الاشعارات وفي الحالة دية لو مهتم هو هيضفني من نفسة

5- اضافة المعلقين بصفحة منتجي ونشاطي فبعمل معاهم متابعة لان ممكن لايهتوا بشراء المنتج من اول مرة

6- الدخول للجروبات الخاصة بالمجال والمشاركة كخبير ودة هانشروحة بشكل اكبر في تحليل اداة الجروب كاداة تسويقية 

7 - التعليق في المواقع الاخبارية الكبري مثل اخبارك ومصراوي باسم الاكونت الخاص بالمنتج خلي بالك بلاش تعليقات اعلانية يعني لاتكون مزعجا
وياريت اي حد عندة طرق مبتكرة لاضافة اصدقاء ممكن يضيفها نستفاد منها 

مع الايام هتلاقي الاصدقاء بتزيد وبيضيفوك عملاء مستهدفين كل يوم بيخليلي النشر مستهدف وتقدر توصل رسالتك الاعلانية بشكل هادف وتوصل للعميلك المستهدف وهينفعك اصدقائك المستهدفين في اكتر من شيء اخر فالجروب لاتستطيع ان تضيف الية الاالاصدقاء والصفحة ايضا ستدعو لها الاصدقاء والمناسبة كذلك

فاجعلها راسخة في التسويق عبر الفيس بوك راسمالك هم الاصدقاء ومن بعد اضافة الاصدقاء دورنا نراسلهم بعروض منتجاتنا نصيحتي ان العرض يبقي خفيف سطور قليلة ويفضل التعرف علي العميل اولا وعرض خدمات مجانية واستشارية خاصة بالمجال قبل عرض منتجنا ومن الافكار الجميلة لتوطيد العلاقات بيننا وبين الاصدقاء(العملاء) هو ارسال رسالة رقيقة لهم في عيد ميلاده مع صورة تورتة جميلة ونشر التهنئة علي صفحتة حتي تصل لكل اصدقائة فهذا الامر لة اثر طيب علي العميل ويولد عندة حب وانتماء لبراند منتجك

ازاى تسوق على الفيس بوك مجانا - البوست بيبان من عنوانه

هنتكلم النهاردة عن المواد المنشورة للاصدقاء علشان تربطهم بحسابك وبمنتجك اللي بتسوق لية ودة من اهم الاشياء 

يفضل دايما البوست انة لايكون طويل ممل ولا قصير مخل يعني يكون وسط فية معلومات تهم المتلقي طبعا علي حسب نوع البوست هل هو تعليمي او ترفيهي او اعلاني الاخير دة بئة لازم تخلي بالك اوي لان الاصدقاء بطبيعتهم بيكرهوا الاعلانات فلازم تحاول تقدم الاعلان بشكل حلو يعني يفضل دايما تكون مدعم الاعلان بصور ونصيحتي في موضوع الصور دة وعن تجربة خليك دايما مع الصور الحقيقية يعني في الكورس اللي بنسوق لية اشتغل علي صور الدارسين الشهادات القاعات الدراسية الحاجات دية بتخلي العميل المستهدف يطمن انك بتعلن عن منتج حقيقي والناس واثقة فية وبتشتري منة فدة لية اثر كبير في انة يتناول اعلانك بجدية ودايما اهتم بكل بوست بتنزلوة واعمل لايك لكومنتات الناس علية ورد علي استفساراتهم لان دة مؤشر انك مهتم وهتقدر تقدملوة خدمة طيبة

وماتنساش تحط بيانات الاتصال علشان يعرف يتواصل معاك وياسلام لو فية رابط للموقعك او صفحتك و كلمتين حلوين تحثة انة يشارك العرض مع اصحابة ويفضل كمان تعمل تاج للصورة خصوصا للاصدقاء اللي تحس انهم ممكن يهتموا بمنتجك لان التاج بيخلي اعلانك موجود في صور الصديق اي شخص هيتصفح صورة هيشوف اعلانك دة غير ان بتروح اشارة لاصدقائة ان حد عملوة تاج فدة بيخلي اعلانك يصل لاصدقاء اصدقاءك ويحقق انتشار اكبر بس طبعا خللي بالك بلاش التاج العشوائي يعني انت اة مسموح ليك ب50 تاج تقريبا في الصورة الواحدة بس بلاش تعملهم مرة واحدة لانك بكدة ممكن تتعرض للحظر

وفية كمان تاج للبوست لو مش حاطط صورة رائع جدا وبيصل بسرعة للاصدقاء
وياسلام كمان لوتلاقي صديق كدة عندة اصدقاء كتير وفاتح النشر عندة واستهدفتة دة بئة ياباشا لما تنشر عندة كأنة هو اللي بينشر فتصل بكل اصدقائة يعني كدة بيبقي الاخ مشكور متبرع بحسابة لسياتك

لوتاخدوا بالكم الي الان لم نستخدم ولاجروب ولامناسبة ولاصفحة كل دة شغل ممكن نعملوة من الاكونت ودة مش معناة ان الادوات السابقة مش مهمة لاطبعا مهمة بس بوضحلك ان من الاكونت ممكن تعمل شغل فبلاش كسل وتقول اصل لسة مش عندي صفحة اومش عندي جروب

يعني كدة حضرتك هاتشتغل باختصاركالاتي :
=========================
1- اضافة صديق 
2-نشر بوست
3-شير لصديق
4-تاج لصديق
5-رفع صورة
6-تاج للاصدقاء علي الصورة


بانتظار تطبيقاتكم وارائكم