أزاى تدمر ال Brand بتاعك فى 6 خطوات

أزاى تدمر الBrand بتاعك فى 6 خطوات :
===========================

Negativity :
-----------------
السلبيه من الحاجات اللى بتدمر الBrand بشكل سريع جدا لآن بكل بساطه مفيش عميل هيحب انه يشتغل معاك لو كنت سلبى .


Lack Of Foucs :
---------------------- 
أنت مش شاطر فى كل حاجه ومفيش حاجه أسمها أبنى Brand لنفسى فى كل حاجه. لآزم الBrand بتاعك يكون مركز على حاجه واحده بس أنت بتقدمها للناس.


Dishonesty :
------------------ 
لو وعدت عميل بحاجه يبقى لازم تنفذ وعدك معاه. متقولش فى يوم على حاجه أنك بتعرف تعملها وأنت مبتعرفش أتكلم على قد علمك.


Creating a fake brand :
---------------------------------
متستخدمش الSocial Media فى أنك تظهر نفسك بشكل مش بتاعك لمجرد أنك تظهر بصورة حلوه قدام الناس. لآزم سمعتك Online تكون متفقه مع كلامك وسمعتك لما أقابلك.


Not knowing where you want to go :
----------------------------------------------------
متحاولش تعمل Brand لمجرد أنك تبقى معروف وبس. حاول تخلى عندك هدف انت عايز توصله فى حياتك وكل يوم بتسعى وتطور من نفسك عشان توصله.

Having a disrespectful attitude :
------------------------------------------------
لو سلوكك مع العملاء مش كويس محدش هيكون حابب أنه يتعامل معاك بعد كده. خلى سلوك Professional مع الناس لآن ده أكتر شئ مطلوب فى سوق العمل مع تعاملك مع العملاء أو الشركات.

دى غلطات بيقع فيها ناس كتير وبتضر بسمعتهم فى سوق العمل. حاول تتجنبها وتعمل الصح .

التسويق الفيروسي Viral Marketing

التسويق الفيروسي Viral Marketing

============================

من اهم اهداف اى مسوق او فريق تسويق شغال على السوشيال ميديا بشكل اساسى ان المحتوى بتاعه ينتشر بسرعه و يوصل لأكبر قدر
من المتابعين و غير المتابعين كمان 

و عشان كده ظهر مبدأ فى التسويق اسمه التسويق الفيروسى أو ال viral marketing
و المبدأ ده معناه ان المحتوى الخاص بيك ينتشر بشكل سريع و على نطاق واسع جدا و ده شىء بنلاحظه عند ظهور اى ترند خلال فترة معينه

و لكن مش اى محتوى بنكتبه بيكون مؤهل انه يكون محتوى فيروسى .. لأن المحتوى الفيروسى بيكون ليه صفات خاصه و شروط لازم تتوفر فيه عشان ينتشر بشكل سريع و على نطاق واسع

المبادىء و الشروط دى اللى حطها واحد اسمه Jonah Berger و هو احد المسوقين المميزين فى المجال

و جمع الشروط و المبادىء دى فى كلمة  “STEPPS”

===================================

1 - Social Currency 

-------------------------
و دى معناها الحرفى ( العمله الأجتماعيه ) و قائمه على فكرة ان الانسان بطبعه بيحب الحصول على المعلومه قبل غيره من الناس
و يكون هو مصدر نشرها ... و ابسط مثال على كده انت مثلا لما بتشير حاجه على الفيس او بتعمل منشن لأصحابك فى بوست معين

2 - Triggers

-------------------
و دى معناها انك تحاول تلاقى كلمه معينه يفتكرها المتابعين اول ما تيجى سيرة المنتج بتاعك
زى مثلا شركة عبارة Just Do It اول ما بتسمعها بيجى فى بالك شركة NIKE

3 - Emotions

------------------
من اهم الحاجات اللى الشركات الكبيره فى الدعاية بتاعتها هى العاطفه .. لازم يكون المحتوى بتاعك بيلمس عاطفه عند المتابع
و عشان كده بنلاقى بعض الشركات الكبيره بتعتمد فى الدعايه بتاعتها على العاطفه زى مثلا فى بعض الاعلانات لما بيفكروك بأيام زمان

4 - Public

----------------
لازم يكون المحتوى بتاعك عام للناس كلها و مش يكون لفئه خاصه و ده لأننا عاوزين ننشر الفكرة على اكبر نطاق من الناس

5 - Practical Values

-------------------------
لازم يكون المحتوى اللى هتنشره بيقدم معلومه جديدة أو افادة للقارىء و الا ايه اللى هيخليه يشاركه مع غيره من الناس ؟؟؟...


6 - Stories

----------------
لو قدرت انك تعرض المحتوى بتاعك فى شكل قصه ده هيساعد على انتشاره بصورة كبيره و ده لأننا بنحب القصص بطبيعتنا و بنتشد ليها و بيكون عندنا فضول لقرائتها للنهاية

معانى اسماء اشهر الماركات العالمية

"نيو مان".. 

ماركة صممت ببراعة فهذه العلامة التجارية يمكن قراءتها بنفس الطريقة في كل الاتجاهات

"كارفور"..

بالنسبة لمعظم الناس، شعار كارفور يمثل سهمين صغيرين. ولكن هل لاحظت حرف 

“C " الاﻷبيض وسط العلم الفرنسي؟؟..

"NBC"..

شعار الشبكة التلفزيونية هو طاووس متعدد الألوان لأن الشركة المصممة له RCA 

أرادت تحفيز الناس على شراء التلفاز الملون في الخمسينيات.

"أمازون".. 

ماركة تجارية يعرفها الجميع، حيث يمكنك أن تجد في الموقع كل ما تريد ومن خلال 

شبكة الإنترنت، كما نقول من "الألف إلى الياء" ولهذا كان الشهعار من A إلى Z، 

تجمعهما بينهما الابتسامة.

"أديداس "...

يمثل شعار أديداس جبلا يحاول الناس تسلقه ولم يحمل أي معنى خفي.

"مرسيدس بنز" ...

يمثل المثلث سيطرة الشركة على الجودة والشكل برًا وبحرًا وجوًا.

"تويوتا"...

المقصود بالأشكال البيضاوية الثلاثة الموجودة في شعار تويوتا هو ثلاثة قلوب: قلب المستهلك وقلب المنتج وقلب التقدم التكنولوجي.

5 طرق لكتابة عنوان جذاب

5 طرق لكتابة عنوان جذاب 
==================

انهارده فى عالم السوشيال ميديا اصبح عندنا كم هائل من المحتوى بنشوفوا فى نفس الوقت و ده بقى شىء طبيعى و عشان كده الناس اتعودت انها تبص على بدايات البوستات بشكل سريع 
يعنى مثلا لما بتيجى تدخل على الفيس الصبح كده و عمال تنزل فى البوستات لتحت .. كل البوستات اللى انت بتشوفها دى بتعتبر محتوى 
و لو لاحظت هتلاقى انك مش بتقرأ كل بوست يقابلك .. انت يدوب بتبص على اول حاجه فى البوست و اللى هي العنوان و الصورة 

لو فى المرحله كاتب البوست ما قدرش انه يجذب انتباهك .. انت مش هتقرأ البوست من اساسه حتى و لو كان كاتب فيه اقوى المعلومات الحصرية 

عشان كده الاهم من انك تكتب محتوى قيم و حصرى .. انك تعرف تكتب عنوان يشد انتباه الناس



و دى بعض النصائح اللى هتساعدك انك تكتب عنوان جذاب :
---------------------------------------------------------------

1 - استخدم عنصر المفاجأة 
----------------------------
لو قدرت انك تفاجىء القارىء بمعلومه غريبه مثلا فى العنوان .. ده هيخليه بشكل تلقائى و فضولى بيتابع باقى البوست عشان يعرف اكتر
مثال .. " كلنا عارفين ان البوست المفيد الناس بتقراه صح ؟؟.. لأ غلط "


2 - استخدام الاسئله فى العنوان 
-------------------------------
الأسئله بشكل عام بتثير الفضول عند القارىء و بتدفعه للبحث عن الاجوبه .. لو قدرت انك تخلى عنوان البوست فى شكل سؤال مهم بالنسبه 
للجمهور اللى بيتابعك .. هتقدر انك تجذب انتباهه و بقوة 
مثال .. " ليه البوست بتاعك ما بيجبش تفاعل "


3 - استخدام ... كيف ؟؟؟
-------------------------
اداة الاستفهام ( كيف ) من اكتر ادوات الاستفهام اللى بتجذب الناس ... لأنها بتتكلم فى الغالب عن كيفية عمل الاشياء و الناس بتحب النوع ده 
من المعرفه ... و عشان كده هنلاقى ان موقع عالمى زى موقع ( ehow )
قائم على الفكرة دى فقط
و كمثال .." ازاى تزود التفاعل على بوستات صفحتك "


4 - استخدم الارقام 
--------------------
بالظبط زى ما احنا عملنا فى البوست ده ... اقرأ عنوان المقال تانى 


5 - طريقة النهى السلبية 
-------------------------
بتعتمد الطريقه دى على جذب انتباه القارىء عن طريق نهيه عن فعل معين زى مثلا 
" متكتبش بوستات بالطريقه دى "


دى كانت بعض النصائح و الافكار اللى حبينا نشاركها معاكم .. و لكن طبعا فيه طرق تانيه كتير لكتابة عنوان جذاب 
لو عندك طرق اضافيه .. يا ريت تشاركنا

ال permission marketing

ال permission marketing
===================

لفترة كبيره من الزمن كان نوع التسويق المنتشر و المتعارف عليه من قبل جميع الشركات و اصحاب البيزنس 
هو ال Interruption Marketing و هو ان العميل بيبقى قاعد فى امان الله و يبص يلاقى كميه كبيره جدا من الاعلانات
ظهرت قدامه و فصلته عن اى حاجه كان بيعملها و ى الغالب بتكون لمنتجات هو مش مهتم بيها اصلا و من شركات ميعرفهاش غالبا
زى بالضبط لما تكون بتتفرج على التليفزيون و يجى فاصل اعلانى بيفصلك عن مشاهدة البرنامج اللى كنت متابعه مثلا 

و الاسلوب ده و ان كان متعارف عليه و بيجيب بعض النتائج الا انه بيقترب جدا من مفهوم الاسبام و الرسائل المزعجه 
و عشان كده العملاء بعد فترة من الزمن اعتادوا على عدم الانتباه للأعلانات بشكل كبير و اصبحت الاعلانات العشوائية اقل كفائه عن الاول


و هنا جه عم seth godin و هو احد عباقرة التسويق و اكتشف ان الأسلوب ده اخذ فى طريقه للزوال
و ان الاسلوب الحديث و الاعلى كفاءة هو ال permission marketing و معناه انك تاخد اذن من العميل المحتمل
انك تراسله بأخر عروضك و خدماتك و منتجاتك عن طريق انه بيديك طريقه للتواصل معاه زى الايميل او اكونت الماسنجر او رقم التليفون حتى


و افضل الطرق اللى اصبحت منتشرة جدا و مثال حى و فعال على استخدام ال permission marketing فعلا 
هى ال mail list و هى انك تبنى قاعده من الأشخاص المهتمين بمجال شركتك عن طريق انك بتقدملهم هدية مجانية 
مقابل الحصول على طريقه للتواصل معاهم زى الايميل بتاعهم مثلا .. و من هنا بتبدأ تبعت مجموعه من الايميلات و الرسائل للشخص ده بشكل متتابع خلال
فترة زمنية معينه بحيث انه يتحول من مجرد شخص مهتم لعميل محتمل ثم الى عميل فعلا


و طبعا بتستخدم ال Conteny Marketing كأداه فى العمليه دى عشان تقدر تبنى ثقه بينك كبيزنس و بين العميل

يعنى ايه Buyer Persona

يعنى ايه Buyer Persona
====================

بص يا سيدى .. دلوقتى لو انت بتقرأ البوست ده و متابعنا يبقى انت فى الغالب حاجه من 3
يا أما انت صاحب بيزنس أو انك لسه عاوز تفتح بيزنس أو انك تكون مسوق و بتشتغل على البيزنس بتاع عملائك

المهم ان انت بتتعامل مع بيزنس بيقدم منتج أو خدمه لشريحه معينه من الناس .. تمام

خدت بالك من الجمله دى .. (شريحه معينه من الناس)

لو انت مش عارف الشريحه دى كويس .. هتبقى عامل زى اللى بيدور على عيل تايه بس ميعرفوش

يعنى ازاى هتوصل اصلا لعميل انت مش عارفه من الاساس

و هو ده بالظبط اللى بتساعدنا فيه ال Buyer Persona


ايه بقى هى ال Buyer Persona دى :
--------------------------------------------
هى عبارة عن وصف دقيق لشخصية العميل المستهدف المثالى للمنتج او الخدمه اللى البيزنس بتاعك بيقدمها
و بتقدر تحدد مواصفات شخصية العميل ده بناءا على عملية بحث السوق و مجموعه بيانات حقيقية عن عميلك


و من اهم الصفات اللى لازم
تبقى عارفها عن عميلك و انت بتعمل ال Buyer Persona :
-----------------------------------------------------------------------

1 - النوع : هل الخدمه او المنتج بتاعك موجه للرجال و لا للنساء و لا الاتنين مع بعض

2 - السن : ايه هى اهم الفئات العمرية للشريحه بتاعتك

3 - اماكن التواجد : اهم الاماكن اللى بيكون متواجد فيها بصفه دورية

4 - الأهتمامات : لازم تعرف ايه بالضبط اهتماماته

5 - المشاكل : اهم المشاكل اللى بتواجه و تقدر تحلهاله بمنتجك أو خدمتك اللى بتقدمها

6 - السلوك : لازم برده تعرف اهم الانماط السلوكيه للعميل

7 - الدوافع : ايه اهم دوافعه و ازاى تستخدمها

و طبعا دى كانت مجموعه من الصفات الشخصيه للعميل اللى لو انت قدرت انك تعرفها بالتحديد هتقدر توصل للعميل بتاعك و هتقدر انك تتواصل معاه بشكل افضل
و طبعا ده هينعكس على المبيعات و صورة البراند فى ذهن العميل بشكل ايجابى

و طبعا كل ما تجمع عن العميل بتاعك معلومات اكتر هتقدر تحدده و تتواصل معاه بشكل افضل

و تابعونا الفترة الجايه بأذن الله هنتكلم عن اهم الادوات و الأستراتيجيات اللى تقدر تستخدمها عشان تجمع معلومات عن العملاء المناسبين للبيزنس اللى انت شغال عليه

أزاي تخطط لإدارة صفحة الفيس بوك

أزاي تخطط لإدارة صفحة الفيس بوك :======================

فى بداية إدارة أى صفحة لازم تقضى وقت كبير تقرأ عن مجال الصفحة وتجمع معلومات وترسم خطوط عريضة هتكون بيها أفكار ومحتويات الصفحة 

وهنبدأ نحدد مجموعة من النقاط لإدارة أى صفحة :=============================

1/ تحليل المنافسين ---------------------( تشوف ايه نوعية البوستات للمنافسين اللى عليها تفاعل والرسائل التسويقية بها ) وتركز عليها علشان تخدمك فى المحتوى بتاعك من خلال تجميع الافكار الابداعية بها واعطائك افكار جديدة للبوست وكمان تحلل العيوب والمزايا وتتجنب الاخطاء الي بيقعوا فيها

2/ نوعية البوستات ---------------------لازم نحدد نوعية البوستات اللي هنستخدمها على الصفحة سواء ( المقالات / الصور /الفيديوهات / انفوجرام / تقارير / احصائية )

3/ التوقيت للنشر -------------------

( تشوف افضل اوقات لتواجد المعجبين على الصفحة وتقوم ناشر البوست )

4/ التحليل للصفحة --------------------وهنا ندخل على Insights ونقيس تفاعلات الناس على الصفحة من خلال المؤشرات والاحصائيات الموجودة