التسويق بالقصص
===========
"كان يا ما كان"
----------------
الكلمه دى جذبت انتباه البشرية كلها بكل اللغات و ما زالت بتجذب انتباه الناس الكبار و الصغار و ده لأننا بطبيعتنا البشرية بنحب القصص
و فى عالم الاعمال و التسويق احنا عارفين ان الربح بيعتمد بصورة اساسية على القدرة على التواصل الجيد مع العملاء و المتابعين .. و عشان كده الكثير من الشركات الكبيره لجأت لأستخدام القصص كوسيله للتواصل مع عملائها
و متابعيها و ده لأن القصص بتكون مرتبطة بالمشاعر
عشان كده من المهم جدا لأى صاحب مشروع او شركة انه يكون عنده قصه بتعبر عن هوية الشركه
ازاى نستخدم القصص فى التسويق الالكترونى ؟؟؟...
==============================
1- انسَ التسويق، اصنع قصة لشركتك
----------------------------------
التسويق مش مجرد حملات اعلانية بنعملها عشان نزود مبيعات .. الأهم من زيادة المبيعات هو ضمان استمرار الشركه و استمرار الشركه مرتبط بالحفاظ على قاعدة العملاء و توسعتها
و افضل طريقه للحفاظ على قاعدة العملاء هى استمرار التواصل معهم و افضل طريقه للتواصل مع العملاء هى انه يكون فيه قصه لشركتك بتحكى عن شركتك و هى موجوده ليه على ارض الواقع و بتقدم ايه لعملائها و ايه القيمه اللى بتضيفها فى حياتهم
2- لكل قصة مكوناتها
---------------------
القصة ببساطة تتكون من ( أحداث – فضول – أشخاص – حوارات – صراع)
و كل جزء من المكونات دى لازم يتم تقديمه بحبكه قصصيه ممتعه و مشوقه ومؤثره بحيث انها تأثر ى مشاعر الجمهور المستهدف
3- المشاعر دائمًا تربح
----------------------
لو عاوز تأثر فى شخص ... يبقى لازم تأثر فى مشاعره بما يناسب الغرض المطلوب تحقيقه
و للسبب ده الشىء المميز فى استخدام القصه كأسلوب تسويقي هو انها بتكون مرتبطه بالمشاعر
4- ليست ممتعة، إن لم تكن مشوّقة
--------------------------------
اهم حاجه فى القصه انها تكون مشوقه
و عشان كده ممكن تقدم قصتك لجمهورك فى شكل قطع منفصله عن بعضها و فى اللحظه المناسبه بتقدملهم اشارات على وجود علاقه بينهم
و دى بعض الاسئله اللى هتساعدك على كتابة قصتك :
==============================
مين هو جمهورك المستهدف؟
ايه هي المواضيع الأكثر تشويقًا والمرتبطة بمنتجك تقدر تستخدمها؟
ازاى تحوّل المواضيع إلى قصص معرفية، مسلية، ممتعة؟
ازاى تقدم وتظهر فلسلفة ومبادئ شركتك بالقنوات التسويقية المختلفة؟
ايه هي أفضل قصة تناسب عملك؟
0 التعليقات :
إرسال تعليق